TIRANË, 7 Tetor 2026 – Ministri i Punëve të Brendshme, Ervin Demo, ka deklaruar se qeveria është në hapat e fundit për të zyrtarizuar një rritje të konsiderueshme të pagave për të gjithë punonjësit e Policisë së Shtetit.

Deklarata u bë gjatë ceremonies së pritjes së studentëve të rinj në Akademinë e Sigurisë, ku ministri Demo theksoi se politika e re e pagave synon të krijojë një standard të ri vlerësimi financiar për trupën policore.

“Jemi në rrugë të mbarë për sa i përket rritjes së pagave për të gjithë personelin e Policisë së Shtetit. Do të jetë një rritje e konsiderueshme. Ditën që ju do të dilni në detyrë do të jeni trajtuar më mirë se paraardhësit tuaj”, u shpreh ai.

Sipas ministrit, mbështetja financiare përkon me përgjegjësinë profesionale, ndërsa vlerësoi brezin e ri të studentëve si bazë për modernizimin e mëtejshëm të strukturave të rendit.

Demo nënvizoi rëndësinë e gërshetimit të energjisë së re me përvojën dhe praktikat e konsoliduara prej vitesh brenda Policisë së Shtetit.