Justina Shiroka Pula zgjidhet Presidente e Kosovës, merr 81 vota pas marrëveshjes VV–PDK

Kuvendi i Kosovës ka zgjedhur Justina Shiroka Pulën Presidente të re të Republikës, pas një seance të jashtëzakonshme të zhvilluar këtë të mërkurë.

Në votimin për kreun e shtetit, Shiroka Pula siguroi 81 vota, duke marrë mbështetjen e nevojshme të deputetëve për t’u zgjedhur Presidente.

Seanca nisi me 89 deputetë të pranishëm. Para procesit për zgjedhjen e Presidentes, Kuvendi shqyrtoi në lexim të dytë ndryshimet në Ligjin për Dhomat e Specializuara. Projektligji u miratua me 88 vota pro, pa vota kundër dhe pa abstenime.

Pas përfundimit të kësaj pike, deputetët kaluan në procesin për zgjedhjen e Presidentes së re. Në garë ishin Justina Shiroka Pula dhe Eliza Hoxha.

Zgjedhja e Shiroka Pulës u bë e mundur pas një marrëveshjeje politike të arritur në minutat e fundit mes Lëvizjes Vetëvendosje dhe Partisë Demokratike të Kosovës, e cila zhbllokoi procesin e votimit.

Me 81 votat e marra në Kuvend, Justina Shiroka Pula merr tashmë drejtimin e Presidencës së Kosovës. /noa.al