TIRANË — Drejtoria Vendore e Policisë Tiranë, në bashkëpunim me strukturat e Policisë Krujë dhe Durrës, ka finalizuar tre operacione të koduara policore për zbardhjen e një serie vjedhjesh e vjedhjesh me dhunë, duke vënë në pranga tre persona dhe sekuestruar 10 mjete të vjedhura.

Detajet e operacioneve të zhvilluara përfshijnë:

Operacioni “Navigator” (Komisariati Nr. 3): U arrestuan shtetasit F.K., 51 vjeç, dhe D.M., 37 vjeç, të akuzuar për vjedhje të përsëritura të mjeteve lëvizëse në zona të ndryshme të kryeqytetit. Policia sekuestroi në cilësinë e provës materiale 6 biçikleta, 2 monopatina dhe 1 motoçikletë.

Operacioni “October” (Komisariati Nr. 6): U arrestua në flagrancë K.K., 26 vjeç, i cili dyshohet se i ka vjedhur me dhunë një varëse nga qafa një shtetaseje në rrugën "Konferenca e Pezës". Nga hetimet doli se ai është autor edhe i një tjetër vjedhjeje me dhunë në të njëjtën zonë më 2 tetor.

Operacioni “Kilometrazhi” (Komisariati Krujë & DVP Durrës): U vu në pranga Y.A., 38 vjeç, pasi vodhi një automjet në Rinas. Mjeti u lokalizua dhe u sekuestrua gjatë ndërhyrjes në qytetin e Durrësit.

Materialet procedurale për secilin rast i kaluan Prokurorisë pranë Gjykatave përkatëse për veprime të mëtejshme hetimore.