STAMBOLL — Një ngjarje e rëndë ka ndodhur mëngjesin e së martës në një shkollë të mesme në lagjen Başakşehir të Stambollit, ku një nxënëse 15-vjeçare ka sulmuar me thikë bashkëmoshataret e saj.

Incidenti u regjistrua rreth orës 08:40, pas një përleshjeje të çfarëdoshme mes nxënësve. Në vendngjarje mbërritën menjëherë shërbimet e emergjencës, ndërsa autorja e dyshuar, nxënëse e klasës së 10-të, u arrestua nga forcat e policisë.

Guvernatori i Başakşehirit, Cemil Özgür Önegi, konfirmoi se nga sulmi mbetën të plagosura shtatë nxënëse. Të dëmtuarat u transportuan me urgjencë drejt spitaleve "Çam" dhe "Sakura" në Başakşehir, ku sipas mjekëve, tre prej tyre ndodhen në gjendje të rëndë kritike.

Zyra e Guvernatorit të Stambollit njoftoi se ndaj rastit kanë nisur hetimet e plota gjyqësore dhe administrative për të bardhur shkaqet dhe rrethanat e ngjarjes.