TIRANË – Kryetari i Bashkisë së Tiranës, Erion Veliaj, ka firmosur emërimin e dy nënkryetarëve të rinj në drejtimin e bashkisë: Sara Goxhaj dhe ish-deputetin e Partisë Socialiste, Sadi Vorpsi.

Për Sara Goxhajn ky vendim shënon rikthimin në administratën vendore të kryeqytetit, ku më parë ka mbajtur detyra drejtuese si dhe ka ushtruar kompetencat e kryetares së komanduar pas largimit të Anuela Ristanit.

Nga ana tjetër, Sadi Vorpsi rikthehet në funksione publike pas një përvoje politike ku ka shërbyer si Prefekt i Qarkut Tiranë gjatë periudhës 2013–2017 dhe më pas si deputet i PS-së në Kuvendin e Shqipërisë.

Me këto dy lëvizje të reja, ekipi drejtues i Bashkisë së Tiranës plotësohet me katër nënkryetarë: Sara Goxhaj, Sadi Vorpsi, Vasilika Vjero dhe Ilir Mëngra.