TIRANË – Protestuesit kanë mbyllur ciklin e fjalimeve përpara godinës së Kryeministrisë dhe kanë nisur marshimin në rrugët kryesore të Tiranës, në kuadër të ditës së 128-të të qëndresës qytetare.

Gjatë tubimit të sotëm, në podiumin e ngritur përpara zyrës së kryeministrit u ngjitën qytetarë të shumtë, duke përfshirë fëmijë, të moshuar, studentë, profesionistë dhe aktivistë. Ndër sloganet e përsëritura më së shumti nga pjesëmarrësit standsnin thirrjet “Edi Rama, jep dorëheqjen”, “Ju erdhi fundi”, “Rama në burg, Berisha në burg” dhe “Ndryshim sistemi”.

Në përfundim të fjalimeve, protestuesit kanë shkruar me gërma të mëdha mbi asfaltin e bulevardit sloganin “Protestues”, përpara se të nisnin marshimin nëpër kryeqytet.