Të dhënat po ngarkohen...
Transmetuar më 05-10-2026, 17:02
Apeli i Gjykatës së Posaçme Kundër Korrupsionit dhe Krimit të Organizuar ka rrëzuar kërkesën e Igli Tares për heqjen e masës së sekuestros ndaj një vile në Palasë.
Me vendimin e Apelit, sekuestroja preventive ndaj pasurisë mbetet në fuqi. Vila është pjesë e hetimeve të SPAK, ku autoritetet po verifikojnë origjinën dhe pronësinë e saj.
Sipas dyshimeve të ngritura nga SPAK, pasuria, e cila figuron në emër të Igli Tares, mund të jetë në pronësi faktike të ish-zëvendëskryeministres Belinda Balluku. Prokuroria dyshon gjithashtu se vila mund të jetë përfituar në mënyrë të paligjshme në lidhje me favorizime në procedura prokurimi.
Nga ana tjetër, pretendimet e autoriteteve janë pjesë e një hetimi në vijim dhe nuk përbëjnë një vendim përfundimtar mbi fajësinë e personave të përfshirë.
Me vendimin e Apelit, masa e sekuestros ndaj vilës mbetet në fuqi, ndërsa hetimet e SPAK vijojnë për të dokumentuar rrethanat e çështjes dhe përgjegjësitë e mundshme.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd