TIRANË – Dita e sotme në Shqipëri do të karakterizohet nga mot i qëndrueshëm dhe pa reshje në të gjithë territorin e vendit. Temperaturat do të vijojnë të mbeten relativisht të larta për këtë periudhë të vitit.

Sipas parashikimit, temperaturat sipas zonave do të jenë:

Zonat e ulëta: Vlerat minimale do të zbresin deri në 10°C në mëngjes, ndërsa maksimale gjatë ditës pritet të arrijë deri në 27°C.

Zonat bregdetare: Temperaturat do të luhaten nga 13°C në vlerat minimale deri në 25°C në ato maksimale.

Zonat malore: Termometri do të shënojë nga 5°C në vlerat më të ulëta mëngjesore deri në 22°C gjatë orëve të ditës.