TIRANË – Lideri i opozitës, Sali Berisha, ka njoftuar mbajtjen e një proteste kombëtare, e cila do të zhvillohet në ditën kur në Kuvendin e Shqipërisë do të nënshtrohet për diskutim reforma e re territoriale.

Përmes një mesazhi të publikuar në rrjetin e tij social Facebook, Berisha u ka bërë thirrje qytetarëve dhe mbështetësve të opozitës që të mobilizohen masivisht për këtë tubim.

Në thirrjen e tij drejtuar qytetarëve, Sali Berisha shkruan:

“Miq, ju ftoj të mobilizohemi, të angazhohemi në protestën më të fuqishme kombëtare që ka njohur vendi ditën e diskutimit në parlament të reformës territoriale.”