TIRANË – Klubi i futbollit Tirana përballet me të tjera probleme administrative dhe financiare vetëm pak ditë përpara përballjes në derbin e kryeqytetit. Skuadra bardheblu ka humbur një tjetër çështje në FIFA për shkak të detyrimeve financiare të prapambetura, një vendim i marrë më 2 tetor.

Kjo penalizim i ri i shtohet një tjetër çështjeje të humbur më parë më 16 shtator, e cila mbetet ende e hapur dhe kërkon zgjidhje urgjente. Me këto vendime, Tirana vijon të jetë një nga klubet shqiptare më të ndëshkuara nga organi suprem i futbollit botëror për shkak të çështjeve gjyqësore me ish-pjesëtarë të saj.

Për të pasur mundësi të afrojë dhe të regjistrojë lojtarë të rinj gjatë merkatos së ardhshme, drejtuesit e klubit janë të detyruar t’i shlyejnë të gjitha detyrimet e këtyre dy çështjeve brenda muajit janar.

Ndërkohë, në planin sportiv, bardheblutë po vijojnë përgatitjet për sfidën derbi ndaj Partizanit, e cila është programuar të luhet më 11 tetor, në orën 18:30.