SPANJË – Polemikat rreth Cristiano Ronaldos, përfaqësueses së Portugalisë dhe trajnerit Jorge Jesus janë përshkallëzuar ndjeshëm në rrjetet sociale, ku pas reagimeve të tifozëve është përfshirë edhe partnerja e futbollistit, Georgina Rodriguez.

Sipas raportimeve të gazetes spanjolle e portugeze A Bola, influencuesja ka publikuar një ‘story’ në llogarinë e saj në Instagram ku sulmonte drejtpërdrejt trajnerin, duke u bazuar mbi një citat që i atribuohej gabimisht Sir Alex Ferguson. Edhe pse postimi u fshi vetëm pak minuta më vonë, ai u kap nga mijëra ndjekës.

Në postimin e saj, Georgina shkroi:

“Nuk e di se si mund ta quajë veten ky njeri Jesus.”

Deklarata e rreme e atribuar ish-teknikut të Manchester United, mbi të cilën reagoi Georgina, mbante tekstin: “Nëse Jorge Jesus e dinte në zemrën e tij se nuk kishte ndërmend ta përdorte, pse e thirri? Për ta bërë të mbante një qëndrim? Kjo nuk është autoritet, është pasiguri.”

Sipas A Bola, Cristiano Ronaldo udhëton këtë të diel me një avion privat nga Madridi drejt Riadit në Arabinë Saudite, ndërkohë që kombëtarja e Portugalisë luan ndeshjen e saj të radhës në Ligën e Kombeve kundër Norvegjisë.