TIRANË – Shqipëria gjatë orëve të para të mëngjesit dhe mesditës së sotme do të jetë nën mbizotërimin e intervaleve me kthjellime në pothuajse të gjithë territorin.

Sipas MeteoAlb, pas mesditës e në vijim parashikohet të shfaqen vranësira kalimtare, të cilat do të jenë më të dendura në skajin verilindor të vendit. Megjithatë, nuk priten reshje shiut dhe ky stabilitet i atmosferës do të vijojë edhe gjatë orëve të natës.

Temperaturat e ajrit do të vijojnë të pësojnë rritje, duke u luhatur nga vlera minimale prej 7°C e shënuar në qarkun e Dibrës, deri në 28°C si vlera maksimale në rang vendi.

Era do të fryjë e lehtë me shpejtësi deri në mbi 35 km/h nga drejtimi kryesisht perëndimor, ndërsa në brigjet detare dallgëzimi do të jetë i ulët, deri në 1 ballë.