TIRANË – Detaje të reja janë zbardhur nga DVP Tiranë lidhur me të të shtënat e raportuara mbrëmjen e sotme në fshatin Zbarqe të Ndroqit.

Pas një telefonate të mbërritur në Sallën Operative, shërbimet e Policisë dhe grupi hetimor kanë shkuar menjëherë në vendngjarje për të verifikuar situatën. Gjatë veprimeve të para hetimore dhe kontrollit të imtësishëm të zonës, forcat e rendit kanë gjetur dhe sekuestruar në cilësinë e provës materiale një armë gjahu (çifte) së bashku me municion luftarak.

Për verifikimin dhe sqarimin e plotë të rrethanave të këtij rasti, policia ka shoqëruar 4 shtetas në ambientet e Komisariatit. Ndërkohë, grupi hetimor po vijon punën për dokumentimin e plotë ligjor të ngjarjes.

Tiranë/Informacion paraprak

Në Sallën Operative të DVP Tiranë ka ardhur një telefonatë se në fshatin Zbarqe, Ndroq, ishin dëgjuar të shtëna me armë.

Menjëherë në vendngjarje kanë shkuar shërbimet e Policisë dhe grupi hetimor. Gjatë veprimeve të para hetimore dhe kontrollit të zonës, është gjetur dhe sekuestruar një armë gjahu (çifte) dhe municion.

Për verifikimin dhe sqarimin e rrethanave të rastit, janë shoqëruar 4 shtetas në Komisariat.

Vijon puna për dokumentimin e plotë të rastit.