TIRANË – Modelja Endi Demneri është bërë nënë për herë të parë, duke sjellë në jetë një djalë nga marrëdhënia e saj me partnerin Krenar Çoçaj.

Lajmi vjen disa muaj pasi Demneri bëri publike shtatzëninë e saj, periudhë gjatë së cilës ajo zgjodhi ta shijojë pritjen larg vëmendjes së tepërt mediatike. Në prill të këtij viti, çifti organizoi një festë private për zbulimin e gjinisë, ku ndanë me të afërmit dhe miqtë lajmin se po prisnin një djalë.

Tashmë që vogëlushi ka ardhur në jetë, prindërit e rinj nuk kanë ndarë ende publikisht detaje të tjera rreth lindjes apo emrin që kanë zgjedhur për djalin e tyre.