KURBIN — Sektori për Krimet e Rënda, në bashkëpunim me Seksionin e Mbështetjes Operacionale në DVP Lezhë dhe Komisariatin e Policisë Kurbin, kanë finalizuar me sukses operacionin e koduar "Target".

Gjatë këtij operacioni u bë i mundur lokalizimi dhe arrestimi në flagrancë i shtetasit Edmir Xhaferri, 27 vjeç, banues në Mamurras.

I riu u pikasa nga efektivët teksa qarkullonte me automjet i armatosur në qytetin e Mamurrasit.

Sapo ka konstatuar shërbimet e policisë, 27-vjeçari nuk i është bindur urdhrit për të ndaluar dhe ka tentuar të largohet me shpejtësi.

Gjatë përpjekjes për t’i ikur ndjekjes, ai ka përplasur automjetin e policisë duke rrezikuar drejtpërdrejt jetën e punonjësve të rendit, si dhe ka hedhur nga dritarja armën e zjarrit që mbante me vete.

Pas disa minutave ndjekjeje dinamike, forcat e policisë bënë të mundur bllokimin dhe vënien e tij në pranga në lagjen "Zef Hoti".

Në cilësinë e provës materiale u sekuestruan një armë zjarri pistoletë, municion luftarak, automjeti i përdorur nga i arrestuari si dhe një palë targa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme ligjore.

Kurbin/Finalizohet operacioni policor i koduar “Target”.

Qarkullonte me automjet i armatosur me armë zjarri, nuk iu bind urdhrit të punonjësve të Policisë për të ndaluar dhe tentoi të largohej, duke përplasur automjetin e shërbimeve të Policisë dhe rrezikuar jetën e punonjësve të Policisë. Neutralizohet dhe vihet në pranga 27-vjeçari.

Sekuestrohen arma e zjarrit pistoletë, municion luftarak, automjeti dhe një palë targa.

Sektori për Krimet e Rënda, në bashkëpunim me Seksionin e Mbështetjes Operacionale në DVP Lezhë dhe Komisariatin e Policisë Kurbin, bazuar në informacionet e siguruara për një shtetas që qarkullonte i armatosur, organizuan dhe finalizuan operacionin policor të koduar “Target”, në kuadër të të cilit u arrestua shtetasi:

-E. Xh., 27 vjeç, banues në Mamurras, Kurbin.

Ky shtetas u lokalizua në qytetin e Mamurrasit, duke qarkulluar me automjet. Sapo ka parë shërbimet e Policisë, ka vijuar lëvizjen me shpejtësi, duke përplasur automjetin e shërbimeve të Policisë dhe duke rrezikuar jetën e punonjësve të Policisë, si dhe ka hedhur armën e zjarrit që mbante me vete.

Pas disa minutash ndjekjeje, në lagjen “Zef Hoti”, Mamurras, u bë e mundur kapja dhe vënia në pranga e 27-vjeçarit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.