Princi Harry ka ngritur shqetësimin për praninë e fotografëve pranë shkollës së fëmijëve të tij. Përfaqësuesi i tij thotë se paparacët po kalojnë kufirin mes raportimit mediatik dhe cenimit të privatësisë së fëmijëve

Londër – Princi Harry ka reaguar ashpër pas raportimeve se fotografë paparacë janë parë pranë shkollës ku studiojnë dy fëmijët e tij, duke e cilësuar sjelljen e tyre “jashtëzakonisht të papërgjegjshme”.

Sipas raportimeve, dy burra janë konstatuar duke lëvizur rreth institucionit arsimor, çka ka sjellë reagimin e përfaqësuesit të Princit Harry.

“Vendimi i fotografëve për t’u sjellë në këtë mënyrë rreth një shkolle është jashtëzakonisht i papërgjegjshëm”, thuhet në deklaratën e përcjellë nga AFP.

Përfaqësuesi i Harry-t theksoi se duhet bërë një dallim i qartë mes aktivitetit të ligjshëm të medias dhe ndjekjes së fëmijëve në ambientet ku zhvillojnë jetën e tyre të përditshme.

“Ka një ndryshim të madh mes aktivitetit të ligjshëm të medias dhe fotografëve që qarkullojnë rreth një shkolle, ndalojnë për të parë brenda kompleksit dhe vëzhgojnë fëmijët gjatë aktiviteteve të tyre të përditshme”, thuhet më tej në reagim.

Harry, bashkëshortja e tij Meghan dhe dy fëmijët e tyre, 7 dhe 5 vjeç, janë rikthyer në Britani pas disa vitesh qëndrimi në Shtetet e Bashkuara.

Familja ishte vendosur në SHBA pasi Harry dhe Meghan u tërhoqën nga rolet e tyre si anëtarë aktivë të familjes mbretërore britanike. /noa.al