KANBERA — Rregullatori i sigurisë online në Australi ka publikuar një raport tronditës mbi platformat më të mëdha të lojërave në botë.

Hulumtimi zbuloi se Steam, Roblox, Fortnite dhe Minecraft kanë skandale e boshllëqe të rënda në mbrojtjen e të minorëve nga rreziqet virtuale.

Sipas të dhënave, 9 nga 10 fëmijë të moshës 8 deri në 17 vjeç në Australi janë të ekspozuar çdo ditë në këto platforma lojërash.

Komisionerja Julie Inman Grant denoncoi se siguria e dobët u krijon terren të lirë të rriturve grabitqarë për shfrytëzim seksual dhe radikalizim ekstremist.

Raporti gozhdoi kompaninë Valve, zotëruesen e Steam, si të vetmen që nuk përdor teknologji proaktive për zbulimin dhe fshirjen e përmbajtjeve të dëmshme.

Roblox dhe Valve u kritikuan ashpër gjithashtu për përdorimin e sistemeve të vjetruara të zbulimit të gjuhës dhe mungesën e filtrave mbrojtës në biseda.

Autoritetet ndërkombëtare i kanë ultimatum gjigantëve teknologjikë të përmirësojnë urgjentisht sistemet për të ndaluar zhvatjen seksuale dhe dhunën ndaj fëmijëve.