PARIS — Franca është zhytur në kaos të plotë pas përshkallëzimit dramatik të protestave të dhunshme studentore në mbarë vendin.

Ministri i Brendshëm, Laurent Nuñez, konfirmoi se vetëm të premten u prangosën 1.747 persona, duke e çuar numrin e të arrestuarve në mbi 5.000 brenda javës.

Përleshje të egra mes forcave të rendit dhe të rinjve shpërthyen në rrugët e Parisit dhe Strasburgut, ku policia ndërhyri dhunshëm në kampuset universitare.

Tragjedia kapërceu çdo kufi në La Ciotat, ku një mësues u spërkat me benzinë nga dy persona të maskuar gjatë trazirave.

Rreth 735 shkolla janë bllokuar nga demonstratat, ndërsa dëmet materiale në institucionet arsimore llogariten në disa miliona euro.

Amnesty International dënoi ashpër dhunën policore dhe kërkoi ndalimin e menjëhershëm të përdorimit të armëve LBD ndaj protestuesve.

Edhe pse qeveria njoftoi një plan urgjent për arsimin, sindikatat dhe organizatat studentore kanë bërë thirrje për greva të reja dhe mobilizim masiv.