TIRANË – Moderatortja Alketa Vejsiu i ka dhënë fund spekulimeve për një marrje të mundshme të rolit të opinionistes në edicionin e ardhshëm të "Big Brother VIP", gjatë një bisede me Luiz Ejllin në premierën e emisionit "Live me Luizin".

E pyetur në mënyrë të drejtpërdrejtë nga Ejlli se karrigen e kujt do të merrte në panelin e opinionistëve, Vejsiu e kaloi situatën me batutë, duke nënuvizuar se nuk ka plane të tilla për momentin. Ajo shprehu vlerësimin e saj për drejtimin e spektaklit nga Ledion Liço, si dhe për punën e bërë më parë nga Arbana Osmani, duke shtuar se secili e sjell formatin në mënyrën e vet individuale.