TIRANË – Këshilli i Ministrave ka miratuar rregullat e reja për mbikëqyrjen dhe kontrollin e subjekteve të licencuara për kultivimin e kanabisit për qëllime mjekësore dhe industriale, duke ngritur një sistem të rrepta sigurie dhe gjurmueshmërisë digjitale.

Sipas vendimit, Agjencia Kombëtare e Kontrollit të Kanabisit do të ushtrojë vëzhgim të vazhdueshëm 24 orë nëpërmjet kamerave të sigurisë, mjeteve ajrore pa pilot, sensorëve dhe platformave satelitore. Çdo proces, që nga importi i farës, transferimi, ruajtja e deri te transporti me mjetet e mbrojtura, do të regjistrohet automatikisht në Regjistrin dhe Systemin Kombëtar të Gjurmueshmërisë, ndërsa transporti do të bëhet nën monitorimin e Policisë së Shtetit.

Në fushën e kontrollit të cilësisë, për kanabisin industrial niveli maksimal i lejuar i THC-së përcaktohet në 0.8%. Në rastet kur analizat laboratorike konstatojnë tejkalim të këtij pragu ose shkelje të kushteve të licencës, produkti do të sekuestrohet dhe i nënshtrohet procedurave të asgjësimit të pakthyeshëm.