TIRANË — Detaje të reja të frikshme kanë dalë në dritë nga seanca gjyqësore ndaj shtetasit Eraldo Fizi, i lënë në burg për vetëvrasjen e ish-bashkëshortes së tij.

Gjatë marrjes në pyetje, Fizi ka pranuar para trupës gjykuese se ka ushtruar dhunë fizike ndaj 25-vjeçares vetëm një ditë përpara aktit fatal.

Ai ka pretenduar se konflikti verbal dhe fizik nisi për motivet e xhelozisë gjatë një udhëtimi me makinë drejt Shëngjinit.

Ekspertiza mjeko-ligjore dhe autopsia konfirmuan se trupi i viktimës kishte shenja të dukshme dhune të shkaktuara natën e ngjarjes.

Rezulton se natën e krimit, i arrestuari është gjobitur edhe nga Policia Rrugore për tejkalim shpejtësie pranë ish-sheshit "Shqiponja".

Para se të konsumonte fostoksinën, e reja kishte lënë një letër prekëse ku i kërkonte ndjesë prindërve dhe denonconte personat që e lëndonin.

Fizi u dorëzua pas bashkëpunimit të policisë me familjarët e tij dhe pritet të transferohet nga Lezha në Tiranë për përballjen me drejtësinë.