SEOUL — Shërbimet sekrete të Koresë së Jugut kanë publikuar të dhëna alarmante mbi gjendjen shëndetësore të diktatorit të Koresë së Veriut, Kim Jong-un.

Sipas inteligjencës jugkoreane, udhëheqësi 42-vjeçar ka pësuar një rritje të dukshme në peshë duke arritur në rreth 140 kilogramë.

Lideri i Phenianit vazhdon të mbajë një stil jetese ekstremisht të dëmshëm, të shoqëruar me konsum të lartë të alkoolit, duhanit dhe ushqimeve luksoze.

Në dietën e tij luksoze përfshihen pjata të shtrenjta si supë me peshkaqen, verë gjarpri, biftekë elitarë, djathë Emmental, havjar dhe shampanjë Cristal.

Opesiteti i tij i shprehur ka ngritur shqetësime të mëdha për rreziqet kardiovaskulare, ndonëse regjimi mban sekret të plotë mbi shëndetin e tij.

Përkeqësimi i fizikut të diktatorit ka rikthyer vëmendjen te pasardhësia e pushtetit në shtetin bërthamor.

Vajza e tij Kim Ju-ae dhe motra e tij e fuqishme Kim Yo-jong po shihen nga analistët si kandidatet kryesore për të marrë drejtimin e regjimit.