TIRANË – Territori i Shqipërisë do të vijojë të ndikohet nga kushte të qëndrueshme atmosferike gjatë ditës së premte, sipas parashikimit të shërbimit meteorologjik.

Moti parashikohet të jetë kryesisht i kthjellët në të gjithë territorin gjatë pjesës më të madhe të ditës, ndërsa gjatë orëve të pasdites pritet një grumbullim gradual vranësirash të lehta deri në mesatare në disa zona.

Parametri kryesor i kësaj dite do të jetë era, e cila do të fryjë nga drejtimi verilindje–veriperëndim me një shpejtësi mesatare prej 7 m/s. Intensiteti i saj pritet të rritet ndjeshëm përgjatë vijës bregdetare, luginave dhe terrreneve malore, ku shpejtësia do të arrijë deri në 16 m/s. Në hapësirat detare parashikohet valëzim i forcës 2 deri në 3 ballë.