TIRANË – Kompozitori i njohur Adrian Hila është paraqitur mbrëmjen e së enjtes në ambientet e Polonisë së Tiranës, ku po merret në pyetje nga një grup i posaçëm hetimor i Sektorit të Krimeve Kibernetike.

Veprimet hetimore ndaj tij kanë nisur pas publikimit dhe shpërndarjes masive të disa videove me përmbajtje intime në rrjetet sociale gjatë orëve të fundit.

Sipas burimeve zyrtare, Policia e Tiranës ka nisur hetimet për të identifikuar burimin e materialeve, mënyrën e rrjedhjes së tyre dhe personat përgjegjës që kanë bërë publikimin apo shpërndarjen e tyre në internet. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme ligjore.