Një ekskursion shkollor ka përfunduar në mënyrë tragjike në shtetin Maharashtra të Indisë, pasi tetë nxënës të moshës 16-vjeçare kanë humbur jetën pasi u morën nga rrymat e forta të detit në plazhin Diveagar.

Sipas raportimeve nga mediat e huaja, ngjarja e rëndë ndodhi gjatë pasdites, kur tetë prej nxënësve hynë në ujë për t’u larë, por u përfshinë nga rrymat e fuqishme detare dhe nuk arritën të dilnin më në breg.

Nxënësit ishin pjesë e një grupi prej 48 personash – mes të cilëve 25 djem, 17 vajza dhe 6 mësues – të cilët po udhëtonin në një ekskursion privat nga qyteti i Pune drejt distriktit Raigad.

Autoritetet vendore nisën menjëherë ndërhyrjen në zonën e incidentit, ndërsa ngjarja e rëndë ka shkaktuar tronditje të madhe te familjarët dhe visa komuniteti shkollor.