KRUJË – Një aksident i rëndë rrugor me pasojë vdekjen e një personi ka ndodhur pasditen e së enjtes në aksin Tapizë–Fushë-Krujë, në vendin e quajtur “Arrameras”.

Sipas informacionit paraprak nga policia, ngjarja ka ndodhur rreth orës 16:50, ku janë përplasur dy automjete: njëri me drejtues shtetasin K. C., rreth 44 vjeç, dhe tjetri me drejtues shtetasin M. S., rreth 18 vjeç.

Si pasojë e përplasjes së fortë, ka ndërruar jetë pasagjeri që udhëtonte në mjetin e 18-vjeçarit, i identifikuar si shtetasi egjiptian E. A., rreth 22 vjeç.

Ndërkohë, drejtuesi i automjetit, shtetasi M. S., ka mbetur i dëmtuar dhe është transportuar me urgjencë në spital, ku ndodhet nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për zbardhjen e plotë të rrethanave, dinamikës dhe shkaqeve të këtij aksidenti.

Krujë/Informacion paraprak

Më datë 01.10.2026, rreth orës 16:50, në aksin rrugor Tapizë–Fushë-Krujë, në vendin e quajtur “Arrameras”, është përplasur automjeti me drejtues shtetasin K. C, rreth 44 vjeç, me automjetin me drejtues shtetasin M. S, rreth 18 vjeç.

Si pasojë e aksidentit, është dëmtuar drejtuesi i automjetit, shtetasi M. S, i cili ndodhet në spital, jashtë rrezikut për jetën, ndërsa pasagjeri në automjetin e tij shtetasi egjiltian E. A, rreth 22 vjeç, ka ndërruar jetë.

Grupi hetimor po punon për zbardhjen e rrethanave dhe shkakut të aksidentit.