Një vatër zjarri ka përfshirë ditën e sotme fshatin Piraj në Lezhë, duke shkaktuar dëme në disa objekte dhe duke vështirësuar ndërhyrjen e forcave zjarrfikëse.

Sipas informacioneve paraprake, flakët kanë përfshirë një kasolle të përdorur për mbajtjen e bagëtive, si edhe dy banesa të pabanuara.

Në terren janë angazhuar forca zjarrfikëse nga Lezha, Vau i Dejës, Kamza dhe Mirdita, të cilat po punojnë për izolimin e vatrës dhe për të parandaluar përhapjen e mëtejshme të zjarrit.

Ndërhyrja po kryhet nga toka dhe ajri, ndërsa era e fortë po e komplikon operacionin dhe favorizon përhapjen e flakëve në zonat përreth.

Forcat e emergjencës vijojnë punën për vendosjen e situatës nën kontroll, ndërsa në vijim pritet të ketë më shumë informacion për përmasat e dëmeve dhe shkaqet e rënies së zjarrit.