Të dhënat po ngarkohen...
Transmetuar më 01-10-2026, 12:44
KAVAJË — Struktura e Posaçme "FAST Albania" ka finalizuar me sukses një tjetër fazë të operacionit ndërkombëtar të koduar "Fast".
Në pranga ra shtetasi me rrezikshmëri të lartë shoqërore F. M., 47 vjeç, i cili u lokalizua dhe u kap në qytetin e Kavajës.
Aksioni u realizua pas shkëmbimit të të dhënave operacionale mes Interpol Tiranës dhe homologëve në Interpol Roma.
I arrestuari ishte shpallur në kërkim ndërkombëtar nga autoritetet gjyqësore italiane për trafik droge në kuadër të grupit të strukturuar.
Gjykata e Bolonjës kishte lëshuar ndaj tij një urdhër-arresti ndërkombëtar që prej datës 25 maj 2026.
I dyshuari akuzohet zyrtarisht për pjesëmarrje në organizatë kriminale dhe trafikim ndërkombëtar të lëndëve narkotike.
Arrestimi i tij u krye me qëllim ekstradimin drejt shtetit fqinj, ku do të përballet me drejtësinë italiane.
Interpol Tirana ka nisur menjëherë procedurat me Interpol Romën për të përmbyllur dorëzimin e 47-vjeçarit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd