TIRANË — Organizata për Bashkëpunim dhe Zhvillim Ekonomik (OECD) ka publikuar një raport shkatërrues për gjendjen e rrjetit rrugor dhe hekurudhor në vendin tonë.

Sipas raportit të Konvergjencës Ekonomike për vitin 2026, Shqipëria renditet e fundit në Ballkanin Perëndimor për dendësinë e infrastrukturës.

Vendi ynë numëron vetëm 13 kilometra rrugë për 100 km² territor, duke mbetur shumë prapa Malit të Zi që udhëheq me 74 kilometra.

Shqipëria është e vetmja ekonomi në rajon ku dendësia e rrjetit rrugor ka shënuar rënie gjatë dekadës së fundit.

Kriza shfaqet edhe më e thellë në transportin hekurudhor, i cili ka pësuar një tkurrje drastike prej më shumë se 28%.

Me vetëm 0.9 kilometra linjë hekurudhore për 100 km², Shqipëria zë vendin e fundit, ndërsa Serbia kryeson rajonin me 4 kilometra.

Ekspertët e OECD-së theksojnë se transporti hekurudhor i mallrave në Shqipëri është pothuajse ekzistues dhe krejtësisht margjinal.

Kjo gjendje e lë të gjithë logjistikën e mallrave plotësisht të varur nga rrugët automobilistike.

Në klasterin "Infrastruktura dhe Ndërlidhja", Shqipëria merr vetëm 33 pikë nga 100 që është mesatarja e Bashkimit Europian.

Dendësia e rrugëve shqiptare arrin në vetëm 7.6% të standardit europian, çka përbën një nga pengesat kryesore për integrimin në BE.

Pavarësisht përparimit në mbulimin me rrjetin 4G, OECD nërmbledh se transporti fizik në Shqipëri mbetet tëpër i pazhvilluar.