BULLGARI — Një ngjarje e rëndë ka tronditur sot opinionin publik në Bullgari.

Presidenti i klubit të futbollit Botev Plovdiv, Iliyan Filipov, është qëlluar për vdekje me armë zjarri.

Atentati fatal ndaj 53-vjeçarit ndodhi në orët e para të mëngjesit pranë banesës së tij.

Përveç angazhimit në sport, Filipov ishte pronar i kompanisë gjigante të transportit PIMK.

Forcat e policisë mbërritën me shpejtësi në vendngjarje pas njoftimit për të shtëna, por mjekët vetëm sa konstatuan vdekjen e tij.

Autoritetet lokale konfirmuan se deri më tani nuk ka të dyshuar dhe moti i krimit mbetet i paqartë.

Policia deklaroi gjithashtu se nuk ka pasur të dhëna paraprake që biznesmeni të ketë marrë kërcënime.

Ngjarja ka kthyer hijen e atentateve mafioze të viteve ’90 dhe ka shkaktuar trazirë politike në mes të fushatës presidenciale.

Klubi i Botev Plovdivit reagoi me hidhërim të thellë për humbjen e drejtuesit të tij.

Deklarata e klubit vlerësoi rolin e Filipovit në shpëtimin e ekipit dhe përfundimin e rindërtimit të stadiumit "Hristo Botev".