Të dhënat po ngarkohen...
Transmetuar më 30-09-2026, 19:37
SHKODËR – Një aksident rrugor me pasojë humbjen e jetës së një personi ka ndodhur pasditen e së mërkurës në aksin nacional Shkodër-Lezhë, në vendin e quajtur Kryebushat.
Sipas të dhënave zyrtare nga Policia e Shtetit, rreth orës 15:30 janë përplasur dy automjete: njëri i drejtuar nga shtetasi francez P. L., 67 vjeç, dhe tjetri nga 83-vjeçari Gjin Nikaj, banues në Shkodër.
Si pasojë e përplasjes së fortë, i moshuari Gjin Nikaj është transportuar me urgjencë drejt Spitalit Rajonal të Shkodrës, por pavarësisht ndihmës mjekësore ka ndërruar jetë për shkak të plagëve të marra.
Ndrëkaq, drejtuesi tjetër i mjetit, shtetasi francez P. L., është shoqëruar në ambientet e Drejtorisë Vendore të Policisë Shkodër për kryerjen e veprimeve të mëtejshme procedurale e hetimore. Grupi hetimor ndodhet në vendngjarje dhe po vijon punën për sqarimin e plotë të dinamikës dhe shkaqeve të aksidentit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd