Një incident i rëndë është raportuar në bordin e një avioni të FlyDubai, i cili po udhëtonte nga Dubai drejt Tel Avivit.

Sipas raportimeve, gjatë fluturimit ka nisur një përleshje në kabinën e pilotëve, ku ndihmëspiloti dyshohet se ka sulmuar me thikë kapitenin nën synimin për të rrëzuar avionin.

Avioni, një Boeing 737 MAX me rreth 180 persona në bord, u devijua nga itinerari dhe kreu një ulje emergjente në Tabuk të Arabisë Saudite.

Sipas dëshmive të pasagjerëve, fillimisht nga kabina u dëgjuan britma, ndërsa më pas disa prej tyre vunë re gjak dhe mësuan për përleshjen mes dy pilotëve.

Situata shkaktoi alarm të madh në bord. Të dhënat e fluturimit tregojnë se avioni humbi më shumë se 14 mijë këmbë lartësi në një interval shumë të shkurtër.

Ekuipazhi transmetoi fillimisht kodin e emergjencës 7700 dhe më pas 7500, i cili përdoret për të sinjalizuar një ndërhyrje të paligjshme në avion. Pas këtij sinjalizimi, avionë luftarakë izraelitë u ngritën për ta shoqëruar fluturimin.

Pasagjerë dhe pjesëtarë të ekuipazhit raportohet se ndërhynë për të ndaluar personin që dyshohet se sulmoi kapitenin. Avioni u ul i sigurt në Tabuk dhe pasagjerët zbritën nga bordi. Rrethanat e plota të përleshjes, përfshirë motivin dhe përgjegjësitë konkrete të personave të përfshirë, mbeten objekt hetimi.

Chilling footage of the Flydubai FZ1073 commercial plane making a rapid descent during the on-board struggle between the hijacking pilot and co-pilot/passengers. pic.twitter.com/PsSSPwhThr

— Status-6 (@Archer83Able) September 30, 2026

PËRDITËSIM: Fluturimi i Flydubai nga Dubai për në Tel Aviv pas humbjes së kontaktit zbret në Arabinë Saudite

E përditshmja izraelite "Ynet" tha se dy avionë luftarakë të Forcave Ajrore Izraelite u ngritën në ajër pas alarmit. Avioni i Flydubai u ul në Arabinë Saudite menjëherë pas incidentit.