Të dhënat po ngarkohen...
Transmetuar më 30-09-2026, 13:14
TIRANË — Shqipëria po pret çdo vit e më shumë turistë dhe punonjës të huaj.
Paralelisht me këtë fluks, është rritur ndjeshëm edhe numri i të huajve të përfshirë në krime.
Raporti i fundit i INSTAT tregon se gjatë vitit 2024 u evidentuan 1,020 shtetas të huaj të dyshuar.
Kjo shifër shënon një rritje prej 38.4% brenda një viti.
Krahasuar me vitin 2022, rritja arrin në 73.2%.
Rritja e kriminalitetit nga të huajt po ecën me ritme shumë më të shpejta se sa ecuria e përgjithshme e krimeve në vend.
Tashmë, rreth 1 në çdo 40 persona të dyshuar nga Policia e Shtetit është shtetas i huaj.
Numrin më të lartë të shkeljeve e mbajnë rregullat e qarkullimit rrugor me 132 persona.
Në vend të dytë renditen krimet në fushën e drogës me 110 persona.
Rritje e fortë është regjistruar edhe te shfrytëzimi i prostitucionit, nga 3 persona në vitin 2023, në 59 persona gjatë vitit 2024.
Kategoritë e tjera përfshijnë mashtrimet, vjedhjet dhe krimet kibernetike.
Ekspertët e lidhin këtë tendencë me praninë e mbi 21 mijë të huajve me leje qëndrimi dhe miliona hyrjeve turistike në kufi.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd