TIRANË — Ambasadori i ri i Shteteve të Bashkuara të Amerikës në Shqipëri, Eric Wendt, ka zhvilluar ditën e sotme një takim zyrtar me kryeministrin Edi Rama në ambientet e Kryeministrisë, duke marrë kështu nisjen e misionit të tij diplomatik në Tiranë.

Takimi vjen dy ditë pasi diplomati amerikan i dorëzoi letrat kredenciale Presidentit të Republikës, Bajram Begaj. Pas përfundimit të takimit në Kryeministri, kreu i qeverisë ka publikuar një fotografi të përbashkët në rrjetet sociale, përbri së cilës i ka uruar mirëseardhjen diplomatit të ri amerikan.

Eric Wendt është ambasadori i 11-të i Shteteve të Bashkuara të Amerikës në Shqipëri që prej vitit 1991, kur u rivendosën marrëdhëniet diplomatike mes dy vendeve. Ai merr këtë detyrë pas përfundimit të mandatit të ambasadores Yuri Kim dhe periudhës ku përfaqësia diplomatike amerikane u drejtua nga e ngarkuara me punë, Nancy VanHorn.