ATHENS, GEORGIA – Një ngjarje e pazakontë që mund të kishte përfunduar në tragjedi ka ndodhur në shtetin Georgia të SHBA-së, ku një studente 21-vjeçare ka mbijetuar pasi ra nga kati i tetë i një kompleksi apartamentesh. Mbijetesa e Kristin Sargent, studente në vitin e fundit në Universitetin e Xhorxhias, po konsiderohet nga mjekët dhe autoritetet si një mrekulli e vërtetë.

Incidenti u regjistrua rreth orës 19:30 të së shtunës në kompleksin rezidencial “The Rambler” në qytetin Athens. Sipas të dhënave të para të hetimit, 21-vjeçarja ndodhej mbi një divan pranë dritares së hapur dhe po vallëzonte gjatë një feste studentore, kur humbi ekuilibrin dhe ra jashtë duke çarë rrjetën mbrojtëse. E mitura përfundoi në tarracën e pishinës së ndërtesës, ku përplasja e fortë u amortizua pjesërisht nga një karrige metalike me jastëk.

Ekipet e emergjencës e transportuan menjëherë të renë drejt spitalit rajonal, ku ajo po merr trajtim në Njësinë e Kujdesit Intensiv për shkak të frakturave të shumta. Pavarësisht lëndimeve të rënda, e reja ka mbetur e vetëdijshme dhe ka arritur të komunikojë me familjarët e shoqërinë, duke shprehur habitë për mbijetesën: "Jam gjallë, nuk mund ta besoj". Policia e cila po hetom rrethanat e ngjarjes ka bërë me dije se paraprakisht rasti po trajtohet si një aksident fatkeq.