PEJË – Një ngjarje e rëndë dhe me pasoja tragjike ka tronditur banorët e fshatit Treboviq të Pejës, ku një vajzë vetëm 5 vjeçe ka humbur jetën në mënyrë aksidentale brenda pronës së familjes. Viktimë e këtij incidenti fatal është e mitura Fatime Abazi, e cila sipas të dhënave të para hetimore dyshohet se u zunë poshtë nga porta metalike e oborrit të shtëpisë, duke pësuar plagë të rënda me pasoje vdekjen.

Autoritetet policore të rajonit të Pejës konfirmuan se u njoftuan rreth orës 09:30 nga Spitali Rajonal i Pejës, ku vogëlushja ishte dërguar urgjentisht nga familjarët, por pa shenja jete. Menjëherë pas alarmit, njësitë e hetimit dhe policia e rendit zbarkuan në vendngjarje dhe në ambientet e spitalit për të këqyrur rrethanat e incidentit dhe për të kryer veprimet procedurale në bashkëpunim me Prokurorin e Shtetit.

Pas kryerjes së verifikimeve dhe këqyrjes mjeko-ligjore, trupi i pajetë i 5-vjeçares u është dorëzuar familjarëve për kryerjen e ceremonisë mortore. Kjo ngjarje e dhimbshme ka zhytur në zi familjen Abazi dhe ka shkaktuar tronditje të thellë në të gjithë komunitetin e zonës. Ceremonia e varrimit të së ndjerës do të zhvillohet ditën e nesërme në varrezat e reja të fshatit në rrugën për Vitomericë.