LUSHNJË – Një situatë e rëndë mjedisore po zhvillohet në rezervuarin e Kasharajt në Bashkinë e Lushnjës, ku zbrazja e menjëhershme e ujit ka shkaktuar një katastrofë të vërtetë ekologjike. Me rënien drastike të nivelit të ujit, visa të tëra të rezervuarit janë kthyer në baltë e llucë, ndërsa tonelata peshk kanë mbetur në sipërfaqe duke ngordhur nga mungesa e oksigjenit dhe ujit.

Vendimi për tharjen e rezervuarit është ndërmarrë nga Bashkia e Lushnjës, e cila ka hapur shkarkuesit për të nisur punimet për rikonstruksionin e portës dalëse të këtij objekti. Sidoqoftë, ky ndërhyrje teknike duket se është kryer pa një plan menaxhimi apo pa marrë masa paraprake për evakuimin e krijesave ujore, çka ka shkaktuar shkatërrimin e të gjithë ekosistemit të rezervuarit.

Lidhur me këtë ngjarje ka reaguar menaxheri i peshkimit në rezervuar, Ylli Kashari, i cili ka shprehur pafuqinë përballë paralajmërimit të autoriteteve me të arritur lajmërimi i papritur. “Më thanë vetëm merr masa se do ta thajmë rezervuarin, por ku t’i çoja me mijëra peshq?”, është shprehur ai, duke dëshmuar përmasat e dëmit. Ndërkohë, pamjet nga vendngjarja tregojnë një sipërfaqe të tërë të mbuluar nga peshq të ngordhur, ndërsa banorët e zonës ngrenë alarm për erën e rëndë dhe rrezikun e infeksioneve shëndetësore.