Një zjarr i madh ka shpërthyer ditën e sotme në zonën kodrinore të fshatit Kutalli në Berat, duke djegur një sipërfaqe të konsiderueshme të mbjellë me pemëtari. Përhapja e flakëve është favorizuar ndjeshëm nga era e fortë, duke shkaktuar dëme të mëdha materiale dhe shkatërrimin e dhjetëra pemëve të ullirit.

Për të përballuar situatën, në vendngjarje kanë ndërhyrë forcat zjarrfikëse të Dimalit, Beratit dhe Kuçovës, të ndihmuara edhe nga banorët e zonës. Falë veprimeve të përbashkëta, zjarri është vënë pjesërisht nën kontroll, megjithëse disa vatra mbeten ende aktive në pjesët e sipërme kodrinore, ndërsa shkaqet e rënies së flakëve mbeten ende të panjohura.