TIRANË — Kryetari i Grupit Parlamentar të Partisë Socialiste, Taulant Balla, ka reaguar nga ambientet e Kryesisë së Kuvendit lidhur me arrestimin e ish-drejtueses së Shërbimit Informativ Shtetëror (SHISH), Vlora Hyseni, e cila ndodhet nën hetim nga Struktura e Posaçme Antikorrupsion (SPAK).

Balla nëfshkroi se mazhoranca nuk i komenton përmbajtjet e dosjeve gjyqësore apo masat e marra nga organet e drejtësisë, duke ritheksuar qëndrimin se çdo zyrtar i përfshirë në hetime duhet të ndjekë rrugën ligjore në institucionet përkatëse.

"Unë bëj pjesë tek ata që nuk i komentojnë dosjet e SPAK-ut. Nuk kam komentuar as dosjet ku kam bërë vetë akuzë, si rasti i Sali Berishës, e s’kam komentuar asnjëherë përmbajtjen e tyre. Ne nuk hyjmë në meritën e dosjeve dhe çdo zyrtar duhet ta kontestojë kufizimin e lirisë në gjykatë. Partia Socialiste nuk është avokate mbrojtëse e askujt," deklaroi Balla.

Më tej, kreu i grupit parlamentar socialist u ndal te praktika e masave të paraburgimit në vendin tonë përpara dhënies së një vendimi përfundimtar nga gjykatat, duke kërkuar rishikimin e këtij standardi në përputhje me praktikat evropiane.

"Në rastin e personave me mandat parlamentar, Kuvendi i Shqipërisë e ka ushtruar të drejtën e dhënë nga sovrani. Shqipëria, sa i përket pjesës që lidhet me kufizimin e lirisë para vendimit të formës së prerë të gjykatës, duhet t’i japë fund kësaj praktike," përfundoi Balla.