STAŠKOV — Një ngjarje e rëndë ka tronditur qytetin Staškov në veriperëndim të Sllovakisë, ku një sulm me thikë brenda ambientit të një shkolle ka lënë të vdekur një grua 61-vjeçare dhe të plagosur dy persona të tjerë, mes të cilëve edhe një fëmijë.

Sipas të dhënave paraprake nga mediat ndërkombëtare, viktima 61-vjeçare ka ndërruar jetë në vendngjarje si pasojë e plagëve të rënda të marra në gjoks. Ndërkohë, një grua 44-vjeçare dhe një fëmijë janë transportuar me urgjencë drejt spitalit për ndihmë mjekësore. Burimet spitalore raportojnë se gjendja e fëmijës së plagosur paraqitet kritike.

Dyshimet e para të autoriteteve vendase sugjerojnë se autori i këtij sulmi mund të jetë një nxënës i shkollës. Policia sllovake ka rrethuar zonën dhe ka nisur hetimet intenzive për zbardhjen e plotë të rrethanave dhe motiveve që çuan në këtë ngjarje tragjike.