MALIQ — Një ngjarje me pasojë plagosjen e një personi ka ndodhur gjatë ditës së sotme në fshatin Sovjan të bashkisë Maliq.

I plagosuri është paraqitur me urgjencë në spitalin e Korçës për të marrë ndihmën e nevojshme mjekësore, si pasojë e dëmtimeve të marra nga goditja me mjet prerës (thikë).

Nga deklarimet e para të bëra në ambientet e spitalit, dyshohet se ngjarja ka rrjedhur pas një konflikti çasti mes dy personave në fshat, me motiv pronësinë apo kullotjen e bagëtive.

Maliq/Informacion paraprak

Plagosi me mjet prerës (thikë), 1 shtetas, gjatë një konflikti për motive të dobëta, shpallet në kërkim shtetasi M. R..

Rreth orës 12:00, në spitalin e Korçës, është paraqitur për mjekim, shtetasi Ilir Hamolli, rreth 56 vjeç, i cili dyshohet se është goditur me thikë, nga shtetasi M. R., gjatë një konflikti për motive të dobëta, në fshatin Sovjan.

Shërbimet e Komisariatit të Policisë Maliq kryen veprimet e para hetimore dhe po vijojnë kërkimet për kapjen e autorit të dyshuar.

Grupi hetimor po punon për zbardhjen dhe dokumentimin e plotë të rrethanave të rastit.