Ish-ministri i Brendshëm, Sandër Lleshaj, ka komentuar zhvillimet e fundit rreth Shërbimit Informativ Shtetëror dhe dyshimeve për rrjedhje të informacioneve konfidenciale, duke theksuar se zgjidhja e situatave të tilla kërkon vullnet të fortë politik.

Lleshaj nënvizoi se lehtësia me të cilën dorëzohen poste të rëndësishme publike te persona të paprovuar i kushton shumë shtetit, ndaj drejtuesit e agjencive kryesore duhet të kenë një të kaluar të provuar për të shmangur dëmet katastrofike.

Sipas tij, përfaqësuesit në detyra të larta duhet të shërbejnë si shembull korrektësie për vartësit e tyre. Ndërkohë, duke iu referuar historisë kombëtare, ai shprehu besimin se vendi do t’i kapërcejë edhe këtë herë sfidat me të cilat përballet.