Kombëtarja e Portugalisë ka arritur një fitore të rëndësishme në transfertë duke mposhtur Norvegjinë me rezultatin 1-2, në një përballje të karakterizuar nga ritmi i lartë dhe rivaliteti në fushë.

Luzitanët kaluan të parët në avantazh në minutën e 17-të me anë të João Félix pas një asistimi nga Pedro Neto, duke e mbyllur pjesën e parë në epërsi.

Norvegjia reagoi në fillimin e pjesës së dytë duke barazuar shifrat me golin e Erling Haaland në minutën e 51-të, por Portugalia riktheu avantazhin vetëm tri minuta më vonë përmes sulmuesit Gonçalo Ramos.

Pavarësisht një goli tjetër të anuluar nga sistemi VAR për portugezët dhe presionit të vendasve në minutat e fundit, mbrojtja mikuese ruajti rezultatin deri në përfundim të takimit.