Ish-avokatja e Donald Trump dhe ish-prokurorja e New Jersey, Alina Habba, është kurorëzuar në martesë me biznesmenin turk Turhan Mildon, drejtues i kompanisë Miller Holding me aktivitet në sektorët e energjisë, ndërtimit dhe minierave.

Ceremonia festive u zhvillua në ambientet e hotelit Waldorf Astoria në Manhattan, ku vetëm kostoja për sallën, dekorin dhe muzikën vlerësohet të ketë kaluar shumën e 1 milion dollarëve.

Në dasmën e organizuar morën pjesë zyrtarë të administratës amerikane, drejtues institucionesh dhe figura të njohura publike, përfshirë ish-kampionin e boksit Mike Tyson.

Marrëdhënia mes 42-vjeçares Habba dhe 29-vjeçarit Mildon u bë publike gjatë muajit prill në Uashington, ndërsa ish-presidenti Trump nuk mori pjesë në ceremoni për shkak të pranisë së tij në një aktivitet sportiv në Tennessee.