Protesta e 120-të radhazi kundër qeverisë është përmbyllur mbrëmjen e së dielës në kryeqytet, ku qytetarë të shumtë janë mbledhur sërish për të kërkuar largimin e kryeministrit Edi Rama.

Gjatë marshimit në rrugët kryesore të Tiranës, pjesëmarrësit kanë bërë thirrje kundër ekzekutivit dhe kanë kërkuar anulimin e disa ligjeve, përfshirë atë për zonat e mbrojtura.

Kërkesat e protestuesve mbeten të pandryshuara, ku kryesore mbetet dorëheqja e panegociueshme e kreut të qeverisë.

Në përfundim të tubimit, organizatorët kanë bërë thirrje për vijimin e protestës dhe për një pjesëmarrje edhe më të madhe ditën e nesërme.