Ka përfunduar me disavantazh të dyfishtë 2-0 pjesa e parë e përballjes ndërmjet Austrisë dhe Kosovës, e vlefshme për Ligën e Kombeve.

Përfaqësuesja e udhëhequr nga Franco Foda zbriti në tapetin e "Ernst-Happel-Stadion" me synimin për të vijuar ecurinë pozitive pas fitores me Irlandën, mirëpo u përball me një ekip vendas mjaft agresiv.

Goditja e parë për Dardanët erdhi në minutën e 23-të, kur David Affengruber gjeti rrugën e rrjetës duke zhbllokuar shifrat në favor të Austrisë.

Në kohën shtesë të fragmentit të parë të lojës, saktësisht në minutën e 45’+2, Junior Adamu shfrytëzoi rastin për të dyfishuar avantazhin e austriakëve.

Kombëtarja e Kosovës u drejtua drejt dhomave të zhveshjes me një disavantazh të rëndë, duke i lënë radhën përshtatjeve taktike të stafit teknik për pjesën e dytë të takimit.