Protesta qytetare në kryeqytet ka mbërritur sot në ditën e saj të 120-të, ku pjesëmarrësit kanë vijuar revoltën ndaj klasës politike në vend.

Qytetarët e grumbulluar kanë bërë thirrje të drejtpërdrejta kundër drejtuesve të politikës dhe opozitës, duke përdorur parulla si "Rama në burg! Berisha në burg!" dhe "Opozitë e shitur".

Në shesh janë shfaqur edhe pankarta me mesazhe kritike e ironizuese, mes të cilave spikati ironia ndaj fjalorit të kryeministrit lidhur me veprimet e drejtësisë.

Përmes pankartave të tjera, protestuesit kanë nënvizuar se Shqipëria nuk përbën një pronë private dhe se menaxhimi i taksave është një përgjegjësi e drejtpërdrejtë e qeverisë.