TIRANË — Ministri i Punëve të Brendshme, Ervin Demo, ka reaguar pas finalizimit të operacionit policor të koduar “Shkolla të pastra”, i cili çoi në prangosjen e 31 personave dhe shpalljen në kërkim të 14 të tjerëve për shpërndarje të lëndëve narkotike në afërsi të institucioneve arsimore në kryeqytet.

Përmes një mesazhi zyrtar, kreu i Ministrisë së Brendshme vlerësoi punën e kryer nga Policia e Shtetit në koordinim me organin e akuzës, duke nëvizuar shfrytëzimin e metodave speciale të hetimit gjatë procesit katërmujor.

"‘Shkollat e pastra’ është një operacion i suksesshëm, falë bashkëpunimit me Prokurorinë, hetimit profesional dhe përdorimit të metodave speciale," shprehi ministri Demo.

Përfaqësuesi i qeverisë garatoi se luftimi i fenomenit të shpërndarjes së lëndëve narkotike pranë shkollave përbën një përparësi kryesore për strukturat e rendit në Tiranë dhe në mbarë territorin e vendit, me synim garantimin e një mjedisi plotësisht të sigurt për nxënësit.