Aksidenti tragjik ndodhi në Maliq të Korçës. Këputen frenat, ndërron jetë drejtuesi i mjetit

MALIQ — Një ngjarje e rëndë ka ndodhur mëngjesin e sotëm në bashkinë e Maliqit, ku një 44-vjeçar ka humbur jetën si pasojë e një aksidenti automobilistik.

Viktima është identifikuar si Igli Kllogjeri. Sipas të dhënave të para nga vendngjarja, ai po punonte për ngarkimin e disa pajisjeve në automjetin e tij, kur makina dyshohet se ka pësuar defekt në sistemin e frenimit.

Si pasojë, automjeti ka lëvizur vetvetiu në terrenin e pjerrët dhe ka përfunduar i përmbysur poshtë në skarpatë.

Për shkak të goditjes së fortë, 44-vjeçari ka mbetur i bllokuar brenda mjetit. Në vendin e ngjarjes kanë mbërritur menjëhirë shërbimet e Policisë së Shtetit dhe reparti zjarrfikës, të cilët kanë ndërhyrë për nxjerrjen e trupit nga kabina e shkatërruar.

Policia e Korçës tha se ngjarja ndodhi sot rreth orës 07:10, në qytetin e Maliqit, në lagjen “Krastafilak”, kur shtetasi Igli Kollgjeri, 44 vjeç, duke ngarkuar disa sende në automjetin e tij, si pasojë e mos sigurimit të automjetit me frenë dore, automjeti ka lëvizur dhe e ka zënë poshtë, duke i shkaktuar humbjen e jetës.

Grupi hetimor ka nisur punën dhe po vijon ekspertizën teknike për të përcaktuar shkaqet e plota të këtij aksidenti tragjik. /noa.al