LONDËR — Stadiumi mitik “Wembley” dhuroi një nga ndeshjet më spektakolare të këtij edicioni në UEFA Nations League, ku Spanja triumfoi me rezultatin 3-2 përballë Anglisë pas një 90-minutëshi të mbushur me përmbysje dhe emocione të fortë.

Përfaqësuesja spanjolle e nisi sfidën me ritëm mjaft të lartë, duke zhbllokuar shifrat që në minutën e 2-të përmes Lamine Yamal. Megjithatë, reagimi i vendasve ishte i menjëhershëm. Anglia barazoi fillimisht me Anthony Gordon dhe më pas kaloi në avantazh me kapitainin Harry Kane, duke e mbyllur pjesën e parë me shifrat 2-1.

Pika e kthesës në këtë përballje erdhi në pjesën e dytë. Anglia fitoi një 11-metërsh me shansin e artë për të mbyllur llogaritë e ndeshjes, por Harry Kane gaboi nga pika e bardhë duke e dërguar topin jashtë.

Episodi i dha zemër skuadrës së Luis De La Fuente, e cila u rikthye fuqishëm në lojë. Alex Baena barazoi rezultatin në 2-2 me një goditje mjaft të saktë, ndërsa Mikel Oyarzabal realizoi golin e përmbysjes së madhe, duke vulosur fitoren 3-2 për kampionët në fuqi.

Mbrëmja e Ligës së Kombeve solli gjithashtu fitoren e Kroacisë 2-1 ndaj Republikës Çeke në transfertë, si dhe suksesin e Zvicrës 3-0 përballë Maqedonisë së Veriut në Shkup.